Fundjavën e kaluar u organizua turneu tradicional ndërkombëtar “Trofeu i Ulqinit 2017”. Në këtë turne ndërkombëtar, që u organizua për të gjitha grupmoshat morën pjesë 200 pjesëmarrës nga Mali i Zi, Bosnja dhe Hercegovina, Gjermania, Danimarka, Serbia, Rusia, Kosova, Shqipëria, Maqedonia dhe Turqia.
Pjesëmarrja e Kosovarëve ishte mjaftë e madhe, por edhe me rezultate evidente duke fituar 6 medalje prej të cilave 1 e artë, 3 të argjendta dhe 2 të bronzta.
Besire Domaniku, vendi i parë në konkurrencën e veteraneve,
Rrahman Ademaj, vendi i dytë në konkurrencën e seniorëve,
Besart Domaniku, vendi i dytë në konkurrencën veteran 40-49,
Jeton Beqiri, vendi i tretë në konkurrencën veteran 40-49,
Nehat Çitaku, vendi i dytë në konkurrencën veteran 50-59,
Shend Raskova, vendi i tretë në konkurrencën e kadetëve.
Fituesit u shpërblyen me kupa dhe medalje ndërsa në konkurrencën e seniorëve edhe me mjete monetare.