Kreu i Kishës Ortodokse Greke në Jerusalem dënoi sulmin brenda natës ndaj kishës më të vjetër të Gazës, e cila bie nën patrikanën ortodokse të Jerusalemit.

Sulmi ajror, i cili dëmtoi një pjesë të kishës ortodokse greke të Shën Porfirit në qytetin e Gazës, ishte “një masakër e re” dhe “një sulm ndaj trashëgimisë së krishterë”, sipas Kryepeshkopit Atallah Hanna, kryepeshkopi ortodoks grek i Sebastias në Jerusalem, raporton CNN.

“Ne i bëjmë thirrje urgjentisht Shenjtërisë së Tij Papës dhe krerëve të kishave në mbarë botën që të ngrenë zërin dhe të mos mjaftohen vetëm me lutjet”, shtoi Hanna në një deklaratë me shkrim.

Është e paqartë se sa njerëz mund të jenë vrarë ose plagosur në sulm. Videoja nga vendi i ngjarjes gjatë natës së të enjtes tregoi dëme të mëdha.

Forcat e Mbrojtjes të Izraelit të premten pranuan se “një mur i një kishe në zonë u dëmtua”, si rezultat i sulmit të IDF.

“Më parë sot, avionët luftarakë të IDF-së goditën qendrën e komandës dhe kontrollit që i përkiste një terroristi të Hamasit të përfshirë në lëshimin e raketave dhe mortajave drejt Izraelit”, tha IDF në një deklaratë për CNN.