Pas paqartësive në Kuvend rreth numri të deputetëve që votuan për ose kundër shtyrjes së dhënies së dhënie së emrit të kryetarit të Kuvendit që kërkoi, PAN, kryesuesi i seancës Adem Mikullovci e shpalli të mbyllur seancën konstitutive.
Në ndërkohë deputetët kanë dalë nga salla dhe nuk dihet se çfarë do të ndodhë me punimet e mëtejme të kësaj seance.
Ndërkohë, vetë Mikullovci ka mbetur në vendin e kryesuesit.
Sipas disa informatave të pakonfirmuara, Mikullovci në koordinim me Sekretariatin e Kuvendit mund të thërras seancë “të re” për në orën 14.
Koalicioni PAN, më herë kërkoi shtyrjen e seancës për dy orë, po kërkesa u hodh poshtë me votim (rezultati ishte i barabartë 60:60).
Nënkryetari i PDK-së, Enver Hoxhaj, kundërshtoi mbylljen e seancës dhe kërkoi sqarime nga Sekretariati e Kuvendit lidhur me vendimin që mori deputeti i Vetëvendosjes, Adem Mikullovci, i cili e udhëhoqi seancën si deputeti më i vjetër.