Aktivistët e Lëvizjes Vetëvendosje kanë filluar më të madhe të shpërndajnë në Facebook një deklaratë të Albin Kurtit për të cilën ata thonë se e ka dhënë sot në Prizren gjatë vizitës kryetarit të Komunës, Mytaher Haskuka.

Deklarata është një poezi në vete dhe një mesazh për të larguarit nga Vetëvendosje.

Kurti në këtë deklaratë poetike thotë se ua ka falur atyre që e kanë sharë atë personalisht, por nuk mund t’i falë nëse ia shajnë Vetëvendosjen, Kosovën, Shqipërinë, shkruan lajmi.net.

“Ne jemi kalimtarë në këto troje dhe në këtë jetë; Vetëvendosje, Kosova e Shqipnia janë të përhershme”, citohet të ketë thënë Kurti.

Deklarata e plotë, pa ndërhyrje, siç është shpërndarë në Facebook:

Më shani mua sa të iu dëshirojë zemra e sa të iu thotë mendja ..! Ua kam falur!

Por kurrë nuk ua fal;

Nëse ma shani Vetëvendosjen!

Nëse ma shani Republikën e Kosovës!

Nëse ma shani kombin, flamurin e Shqipnin!

Ne jemi kalimtarë në këto troje dhe në këtë jetë;

Vetëvendosje, Kosova e Shqipnia janë të përhershme!

ALBIN KURTI

11.01.2018

Prizren