Kuvendi i Kosovës ka miratuar me 76 vota për rekomandimet e harmonizuara me Grupet parlamentare, nga Debati parlamentar, në lidhje me skandalin e mishit të prishur të ardhur nga Belgjika, si dhe cilësinë dhe sigurinë e ushqimit në Kosovë, raporton Ekonomia Online.

Rekomandimet e miratuara janë:

1. Kryeministri të marrë masa ndaj përgjegjësve, bordit dhe menaxhmentit të AUVK-ut.
2. Organet e drejtësisë të fillojnë hetimet ndaj institucioneve përgjegjëse publike dhe subjekteve private që sjellin në treg produkte të dyshimta.
3. Të bëhet mbështetje më e madhe për Agjencinë e ushqimit, për konsolidimin e saj me pajisje me laboratorë, pajisja e inspektorëve me kamera profesionale, ngritjen e kapaciteteve profesionale dhe shtimin e stafit me inspektorë.
4. Në funskion të rritjes së transparencës, AUVK të pasqyrojë të dhënat e veprimtarisë së inspektorëve në baza ditore në ueb-faqen e tyre.
5. Të shqyrtohet legjislacioni përkatës që saktëson periudhat kohore minimale para skadimit të afatit të produkteve ushqimore që importohen në Kosovë.
6. Të rritet mbështetja financiare për masat mbështetëse për programet për zhvillim rural që rritin prodhimin vendor.