Kompania Rajonale e Ujësjellësit “Prishtina” sh.a. ( KRUP) njofton konsumatorët e lagjes Dardania në Prishtinë, gjegjësisht rruga “Robert Doll”, se që nga ora 10:00 e mëngjesit të ditës së sotme është ndërprerë furnizimi me ujë të pijshëm dhe do të zgjasë deri sot në orën 19:00.

“Arsyeja e ndërprerjes së furnizimit me ujë të pijshëm në rrugën e lartëcekur, është realizimi i kyçjeve shtëpiake në linjën e re”, thuhet në komunikatë.

Tutje, thuhet se në muajin maj 2019 është realizuar ndërrimi i gypit të ujit me diametër DN= 80 mm me një gjatësi prej 130 metra në po të njëjtën rrugë.

“Gypi i ujësjellësit në atë rrugë ka qenë i vjetër mbi 50 vjet dhe është zëvendësuar me gyp të ri. Investimet në infrastrukturën e rrjetit të ujësjellësit po bëhen për një jetë më të lehtë për të gjithë konsumatorët e KRU,,Prishtina,, sh.a”, përfundon njoftimi.