Këngëtarja e njohur, Fjolla Morina e cila prej më shumë se një muaji ndodhet në arrati, vijon të jetë shumë aktive në rrjetet sociale duke i bërë karshillëk policisë.

Së fundmi, ajo ka publikuar në Instagram një foto dhe video ku shihet së bashku me miken e saj dhe partnerin Fisnik Syla.

Krahas një videoje, Fjolla shkruan: Kiss (puthje) prej neve.

Kujtojmë se Gjykata ndryshoi masën nga ‘arrest shtëpie’ në ‘arrest me burg’ për këngëtaren e cila shkeli masën dhe prej një muaji ndodhet në arrati.

Këngëtarja u arrestua disa muaj më parë pasi u kap me armë në çantë në përpjekje për të kaluar kufirin nga Kosova në Shqipëri.