Profesori universitar Blerim Latifi thotë se Kosova po shkonte drejt zgjedhjeve të parakohshme edhe pa vendimin e Gjykatës Kushtetuese, e cila rrëzoi qeverinë Hoti.

Por, ai mendon se ditë të vështira na presin në vazhdim. Latifi pret që të ketë vështirësi në krimin e qeverisë së re pas zgjedhjeve.

“Pavarësisht se kush do të del i pari në zgjedhjet e ardhshme të cilat do të mbahen me siguri në fillim të shkurtit, unë e shoh përsëri riciklimin e krizave të cilat i kemi kaluar vitet e fundit, kriza të vështirësive për të krijuar një qeveri, kriza për me krijuar një shumicë parlamentare funksionale e cila është në gjendje me i adresuar problemet bazike me të cilat përballet ky vend”, tha Latifi në Pressing.

“Unë e shoh një dimër tepër të vështirë, jo vetëm në kuptimin gjeokrafik, por në kuptimin politik. Do të jetë një dimër i vetmisë së madhe”, tha ai.