Profesori universitar, Blerim Latifi, ka komentuar fillimin e fushatës për balotazhin në kuadër të Zgjedhjeve Lokale që po mbahen në Kosovë.

Latifi ka thë në se vetëm koha e zgjedhjeve aktivizon tensione e debate sepse kur mungojnë zgjedhjet vendi zhytet në monotoni.

Këtu keni statusin e tij të plotë:

“Nesër fillon fushata për balotazhin.Një javë plot tensione, debate të zjarrta në televizione dhe çajtore, akuza reciproke, pazare partish e kandidatësh, premtime të të gjitha llojeve, pa doganë. Thjesht edhe një javë interesante në kët’ moçalin tonë politik e shoqnor, i cili kur nuk ka zgjedhje zhytet në monotoni.Mbase do të ishte mirë të mbajmë zgjedhje çdo gjashtë muaj, ngase kur nuk po ka zgjedhje, s’po kemi për çfarë të flasim. Sepse asgjë nuk na duket interesante nëse nuk lidhet disi me partitë. Sepse në një vend ku nuk ka ekonomi, partitë shndërrohen në biznesin më të rëndësishëm”, ka shkruar Latifi në Facebook.