Francesco Graziani bën hyrjen më karizmatike të mundur.

Kërkon falje për vonesën duke fajësuar trafikun italian dhe kërkon numrin e telefonit të Bruce Grobbelaarit.

“A e keni numrin e tij?” pyet ai. Ai duket se e ka seriozisht.

“Duhet të gjejmë një numër. Ai duhet të vijë në Romë, në stadiumin Olimpico, në prani të tifozëve dhe do të gjuajë atë penallti sërish”, thotë Graziani, shkruan Koha Ditore.

Graziani pëlqen të ketë këtë mundësi. Tash 65-vjeçar, ai duket po aq i fortë sa ishte në atë ditë kur dështoi para lëvizjeve të këmbëve të Grobbelaarit në finalen e parë dhe të vetme të Romës në Kupën e Evropës të vitit 1984, që u vendos pas ekzekutimit të penalltive.