Stina e verës është stina më e mirë për të lexuar një libër, pasi të jep mundësinë ta jetosh atë. Nëse bëhet fjalë për një histori të shkurtër dashurie ku pavarësisht se sa duhen dy persona,fati nuk i lejon të jenë bashkë,vera është koha e përkryer që lexuesi të behët pjesë e kësaj historie, në stinën më të shkurtër të vitit, për të jetuar një histori të tillë ne jetën e tyre.

Shkrimtarët e përdorin gjithmonë verën si bashkimin dhe ndarjen e dy njerëzve që duhen, ata kalojnë një verë bashkë për të kaluar një dimër të ndarë, çdo gjë ndryshon gjatë kësaj kohe,por ajo që nuk ndryshon është dashuria, mungesa e të cilës ua bënë dimrin më të ngrohtë. Frika e të ndryshuarit i fut ata në mendime,si do jetë takimi i verës tjetër,a do ketë ndryshuar,a do më ketë harruar e do më ketë nxjerrë nga zemra.Përgjigjet e këtyre pyetjeve mund t’i marrësh vetëm pas një viti kur të dy t’ju ketë kapluar malli.

Kjo është historia qe unë dua të lexoj,dua të di se si mund të jetojë një dashuri e tillë, a është me të vërtetë aq e fortë dashuria apo këto gjëra ndodhin vetëm në libra,e nëse s’është çfarë ndodh në fund,si mbaron historia e tyre,a ka dhimbje për dashurinë e humbur, apo harresa arrin të fshijë gjithçka. Një njeri që ndahet nga personi i zemrës jeton me shpresën për ta parë përsëri dhe me frikën mos e ka humbur përgjithnjë, mos ndoshta gjithçka ka mbaruar dhe e shkuara nuk bën më asnjë kujtim në të ardhmen, gjithçka është tretur dhe ka humbur.

Por, për këtë njeri nuk ka lumturi më të madhe se sa të shohë atë duke ardhur drejt vetes gati për t’i dhënë një përqafim i cili lë pas një dimër të tërë pritjeje e frike,një përqafim që nuk ka të krahasuar me asgjë çfarë e ka lënduar deri tani.Për këtë njeri vera është më e bukur se kurrë dhe asgjë ska fuqi t’ia prishi lumturinë. Dhe kështu janë të tilla histori, dikush e humb atë që do përgjithmonë,e dikush zbulon që kjo dashuri do jetojë përgjithmonë. Duhet të jetë një dashuri shumë e fortë që t’i mbijetojë largesës dhe të triumfojë. Unë nuk e di se ç’ndodh në fund të historive të tilla, ndaj dua një libër të tillë për ta lexuar gjatë verës, sepse vetëm një libër mund të thotë të vërtetën e një historie pa e ndryshuar në fund.

Por, në qoftë se një dashuri e tillë nuk mbijeton,di të them se atëherë s’ka qenë kurrë dashuri, por një nevojë që i mbante afër dy persona dhe largesa do jetë gjëja më e mirë që i ka ndodhur një historie të tillë, sepse i ka bërë të kuptojnë se ç’duan në të vërtetë.