Gjykata po mban në burg katër të rinjtë që akuzohen për vrasjen e 18-vjeçarit, Aurelio Dervishi. I riu u vra me thikë mbrëmjen e së dielës tek rrethi i Shkozës.

Mbrojtja ka kërkuar masë me afat 30 ditor deri në sqarimin se kush prej katër të rinjve e ka qëlluar 18-vjeçarin, por kërkesa është rrëzuar.

Katër të akuzuarit janë tre të mitur të moshës 16 vjeç dhe 15 vjeç, si dhe një 20-vjeçar.

Të akuzuarit u konfliktuan me 18-vjeçarin, teksa ky i fundit doli nga automjeti i tij. Në një moment gjatë zënkës 18-vjeçari u qëllua me thikë në gjoks, e duke mos arritur t’i mbijetonte dot plagëve të marra ndërroi jetë ndërsa po shkonte në spital.

Dyshohet se “mollë sherri” mes të rinjve është bërë një vajzë. Në momentet që ndodhi takimi mes të rinjve, dyshohet se vajza ndodhej në automjetin e viktimës