Këngëtarja e njohur Lindita Hakaj ka sjell një ripërpunim të këngës së famshme “Mërgim”.

Kjo këngë është interpretuar në vitet ’90 nga Ramadan Krasniqi – Dani. Kënga është një kompozim i kompozitorit të njohur kosovar Afrim Macula, i cili është edhe udhëheqës artistik i Grupit ‘Yjet’ nga Prishtina.

Teksti i këngës i dedikohet mallit që ndjejnë mërgimtarët nga jetesa larg atdheut të tyre.

Vargjet i ka shkruar tekstshkruesi i ndjerë Hivzi Krasniqi.

Kënga vjen si një ripërpunim po nga kompozitori i këngës origjinale, Afrim Macula, i cili ka shprehur gatishmërinë dhe dëshirën që këtë ripërpunim ta interpretojë Linda Hakaj.

Kjo e fundit ka treguar se i ka për zemër të gjitha këngët e kënduara nga kolegu i saj, Ramadan Krasniqi – Dani.

“Mërgim” vjen e vizualizuar edhe me klip, i cili i është besuar Produksionit Labia në Prishtinë.