Përfaqësues të Luginës së Preshevës po kërkojnë nga Ministria e Arsimit, Shkencës dhe Teknologjisë (MASHT) që të përdorë masa reciprociteti rreth teksteve të Kosovës për shqiptarët e Luginës, shkruan sot Koha Ditore.

Kjo, meqë në shkollat e veriut të Kosovës nxënësit serbë tash disa vjet mësojnë me tekste të Serbisë. Ndërkaq në Luginë nuk po lejohen nga Serbia tekstet e Kosovës. Dy vjet më parë Ministria e Arsimit pati dërguar tekste shkollore për nxënësit e Luginës, por ato nuk ishin lejuar nga autoritetet serbe.

Pas kësaj, MASHT-i në dy vjetët e fundit më nuk ka tentuar të dërgojë tekste për nxënësit e asaj pjese..