Nënkryetari i Skenderajt, Sami Lushtaku, ka reaguar për vdekjen e Xhavit Ferizit, ish-truprojës së Hashim Thaçit, njëherësh ish-ushtar i UÇK-së.

Përmes një postimi në Facebook, Lushtaku thotë se i ndjeri ishte ushtar i dalluar dhe njeri me virtyte të larta njerëzore për të cilat do ta kujtojnë gjithmonë, njofton Klankosova.tv.

“I dhembshëm lajmi për ndarjen nga jeta të bashkëluftëtarit, mikut e bashkëqytetarit tonë, Xhavit Ferizi – Raketa. Raketa ishte prej luftëtarëve të dalluar të Ushtrisë Çlirimtare të Kosovës, bashkëpunëtor i hershëm i Presidentit Hashim Thaçi, njeri me virtyte të larta njerëzore për të cilat do ta kujtojmë gjithmonë. Ngushëllime familjes Ferizi, miqve dhe dashamirëve! Lavdi jetës dhe veprës së tij”, shkroi ai.