Mediet e huaja po vazhdojnë të insistojnë se xhudist-ja Majlinda Kelmendi është favoritja kryesore për medaljen e artë në kategorinë deri 52 kilogramë në Lojërat Olimpike “Rio 2016”.

Sipas tyre, Kelmendi, edhe pse gjatë vitit 2015 mungoi për një kohë të gjatë shkaku i lëndimit, këtë vit është kthyer fuqishëm në gara dhe se ka mbërritur formën në kohën e duhur.

Për Kelmendin nuk ekziston as dyshimi më i vogël se do t’ia sigurojë shtetit të Kosovës medaljen e parë olimpike në debutim të këtyre garave.

Kosova në LO “Rio 2016” do të paraqitet me tetë sportistë, por vetëm Kelmendi shihet si garuesja që do të sigurojë medalje në këtë ngjarje që nis më 5 gusht e përfundon më 21 të të njëjtit muaj.