Shtetet e Bashkuara të Amerikës do të vazhdojnë të mbështesin fuqimisht Malin e Zi edhe pas anëtarësimit të saj në NATO.

Kështu ka deklaruar sekretari amerikan i shtetit, Rex Tilerson, në një takim në Uashington me kryeministrin malazes Dushko Markoviq, të cilit i tha se Mali i Zi do të bëhet zyrtarisht pjesë e Aleancës, më 5 qershor, raporton RTCG, përcjellë Klan Kosova.

“Kjo ishte një mundësi për të hapur të gjitha pyetjet e marrëdhëniet tona dypalëshe, por edhe ato në lidhje me Ballkanin Perëndimor, Bashkimin Evropian dhe botën”, ka thënë shefi i Qeverisë malazeze pas takimit.