“Djajtë e Kuq” pritet ta mposhtin konkurrencën e Real Madridit për mesfushorin kreativ holandez
Manchester United po shpreson ta bindë mesfushorin e Ajaxit, Donny van de Beek të përfundojë në “Old Trafford”.
E përditshmja spanjolle “Marca” shkruan ndërkohë se interesim për futbollistin holandez ka shfaqur edhe Real Madridi, përcjell Gazeta Express.
“Los Blancos” kishin arritur marrëveshje me lojtarin verën e kaluar, por nuk e kishin kompletuar transferimin për shkak se nuk arritën t’i shisnin James Rodriguezin e Gareth Balen.
Kjo marrëveshje mbetet ende në jetë, por Reali tash duhet ta mposhtë konkurrencën e United, që po shpreson ta transferojë në Premierligë përfaqësuesin holandez.
Van de Beek kishte shpërthyer tek Ajaxi sezonin e kaluar, njëjtë si Mattijs De Light e Frenkie De Jong.