Maqedoni e Veriut: 15 të vdekur dhe 37 raste të reja nga COVID-19

Ministria e Shëndetësisë në Maqedoni të Veriut ka bërë të ditur se 15 persona kanë ndërruar jetë nga COVID-19 në 24 orët e fundit dhe janë regjistruar 37 raste të reja.

Gjatë 24 orëve të fundit janë shëruar 69 pacientë, transmeton Klan Kosova.

Nga 776 mijë e 674 mostra të marra, që nga fillimi i pandemisë në Maqedoni të Veriut, 155 mijë e 63 persona kanë rezultuar pozitivë, 146 mijë e 869 janë shëruar, 5 mijë e 311 kanë vdekur dhe vazhdojnë të mbesin edhe 2 mijë e 883 raste aktive.