Ushtruesi i detyrës së ministrit në Ministrinë e Mjedisit dhe Planifikimit Hapësinor, Fatmir Matoshi, ka vizituar komunën e Gjakovës ku është takuar me kryetarin Ardian Gjini.

Përmes një postimi në facebook ai ka thënë se me Gjinin janë dakorduar që të bashkëpunojnë në realizimin e projekteve të përbashkëta për ruajtjen e ambientit.

Postimi i plotë:

Nga Kryetari Ardian Gjini, u njoftova në detaje lidhur me ecurinë e punimeve në Lumin “Krena”.

Gjithashtu në cilësinë e udhëheqësit të Task Forcës për aksionin “Ta pastrojmë Kosovën”, kërkova angazhimin e përbashkët me Komunën e Gjakovës në aksionin tremujor për pastrimin e Kosovës.

Me kryetarin Gjini u dakorduam që të bashkëpunojmë ngushtë në realizimin e projekteve të përbashkëta në fushën e mjedisit dhe të planifikimit hapësinor.