Analisti politik, Halil Matoshi, ka kritikuar provat për protesta nga aktivistët e Lëvizjen Vetëvendosje.

Sipas ish-këshilltarit të ish-kryeministrit Ramush Haradinaj, “anarkia po troket” në Kosovë.

Matoshi, nëpërmjet një reagimi në Facebook, ka kërkuar përgjigje se për çfarë do të mbahet protesta për të cilën u mbajtën prova.

“Prova për protestë!??? Për çka? Me ndejtë paligjshëm n’Qeveri dhe me i përndjekë qytetarët me masa jokushtetuese, ndërsa vet me u tarahitë në shesh!? Dhe si presion mbi Gjykatën Kushtetuese!?”, ka shkruar ai.

Shkrimi i plotë i Matoshit:

Anarkia që po troket

Prova për protestë!???

Për çka?

Me ndejtë paligjshëm n’Qeveri dhe me i përndjekë qytetarët me masa jokushtetuese, ndërsa vet me u tarahitë në shesh!?

Dhe si presion mbi Gjykatën Kushtetuese!?

Këta bân me i lânë me pozu në shesh e qytetarët jo?

Me mbështetje të cilit ligj!?

E me çfarë ligji njerëzit nën masa arresti arbitrar përplasën në Karantinë!?

Siç ndodhi sëfundi me dy qytetarë të Kamenicës!?

Mos lejoni me bâ hajgare me dinjitetin e qytetarëve dhe shtetit, ni grup anarkistësh!?

Ata që i mbronin masat antikushtetuese të Albin Kurtit dhe Arben Vitisë e Xhelal Sveçlës, sot e “pushtojnë” sheshin duke i shpërfillë ndalesat që u duertrokitshin në fillim!

Rashamon!