Afrimi i një fushe të paqëndrueshme të presionit të ulët nga Evropa qendrore, ditëve të ardhshme do të kushtëzojë mot jostabil me mundësi për rrebeshe shiu orëve të pasdites.

Në aspektin termik do të mbetet mot i nxehtë, megjithëse temperaturat nga dita e premte do të pësojnë rënie të lehtë.

Sot do të jetë mot i nxehtë, kryesisht me diell. Pasdite më vonë përreth viseve malore mundësi për ndonjë rrebesh shiu me bubullimë.

Temperaturat do të sillen nga 14 deri në 32 gradë celsius.

Nga java e ardhshme sipas parashikimeve të fundit, një valë e të nxehtit afrikan do të përfshijë vendin tonë, që do të kushtëzojë mot më të nxehtë, ndërsa temperaturat maksimale mund të kalojnë edhe mbi 35C.