Anëtarët e Lidhjes Demokratike të Kosovës kanë mbërritur në zyrën qendrore të kësaj partie ku po mbahet mbledhja e Kryesisë, raporton Ekonomia Online.

Në këtë mbledhje është parë duke hyrë ish-ministri Besian Mustafa, ish-ministri Armend Zemaj dhe kryetari i komunës së Vitisë, Sokol Haliti.

Mbledhja ka nisur në ora 16:30.

Në rend të ditës është edhe informimi mbi procesin e themelimit të institucioneve të Republikës së Kosovës dhe procesin e votimit për President.

Pikë tjetër e rendit të ditës në mbledhjen e LDK-së është edhe formimi i grupeve vlerësuese për degë.

Po ashtu, Kryesia e LDK-së do të diskutojë rreth organizimit të qendrës dhe strukturës së re organizative e po ashtu për procesin e regjistrimit të anëtarësisë.