Deputeti i Parlamentit Evropian, David McAllister, u rizgjodh sot kryetar i Komisionit për Punë të Jashtme të Parlamentit Evropian (AFET). McAllister, një anëtar i Unionit Kristian Demokratik Gjerman (CDU) dhe Partisë Popullore Evropiane (EPP), ka mbajtur këtë pozitë që nga viti 2017.

McAllister u emërua nga EPP dhe u zgjodh me aklamacion.

“Ne sigurisht duhet të mbajmë një marrëdhënie të fortë transatlantike, pavarësisht se kush do të banojë në Shtëpinë e Bardhë pas janarit, ne duhet të frenojmë një Rusi agresive dhe të rrisim më tej mbështetjen për Ukrainën në rrugën e saj drejt paqes dhe anëtarësimit në BE dhe NATO dhe në të njëjtën kohë ne do të vazhdojmë theksin tonë në fqinjësinë tonë të afërt dhe partnerët tanë në Ballkanin Perëndimor”, tha McAllister pas rizgjedhjes së tij.

Ai bëri të ditur se mbledhja e radhës e AFET do të mbahet më 4 shtator. Pritet që në shtator të zgjidhen raportuesit e rinj për Ballkanin Perëndimor dhe vendet e tjera.

Sot po zhvillohen edhe takime konstituive të komisioneve të tjera të Parlamentit Evropian.

AFET zgjodhi sot edhe nënkryetarët e saj: Hana Jalloul Muro, Urmas Paet, Albercio Gambino dhe Ioan-Rareş Bogdan.

Tre nënkryetarët e parë u zgjodhën pa kundërshtim, ndërsa Ioan-Rareş Bogdan u emërua njëkohësisht me Kinga Gal. Bogdan mori më shumë vota se Gal, duke e lënë grupin Patriots pa një nënkryetar, shkruan European Western Balkans.