Mbrojtësi i Napolit, Amir Rrahmani u largua nga skuadra e Përfaqësueses së Kosovës mbrëmë (e mërkurë) për shkak të një dëmtimi në muskul dhe u kthye në Itali.

Qendërmbrojtësi 27-vjeçar humbi dy fitoret e fundit të Napolit kundër Milanit dhe Romës në Serie A për shkak të dëmtimit të kofshës dhe Kosova ka vendosur ta dërgojë atë përsëri në Napoli.

Rrahmani nuk do të jetë në dispozicion për dy ndeshjet kualifikuese të Kupës së Botës kundër Suedisë dhe Spanjës këtë muaj.

Sipas mediumit italian Il Mattino, ish-mbrojtësi i Hellas Verona është dërguar përsëri në Napoli për të vazhduar programin e rimëkëmbjes në klubin e tij.

Rrahmani ka luajtur vetëm 13 ndeshje konkurruese që nga transferimi i tij në Partenopei verën e kaluar dhe nëntë prej tyre janë në Serie A.