Arsenali përfundimisht nisi bisedimet me përfaqësuesit e Mesut Ozilit muajin e kaluar për zgjatjen e kontratës, por ylli gjerman ende nuk ka vendosur për të ardhmen, sipas Goal.com

“Topçinjtë” janë besimplotë se Ozil nuk do të nënshkruajë para kontratë me ndonjë klub të huaj në janar, me Alexis Sanchez dhe Jack Wilshere po ashtu në të njëjtën situatë pasi kontrata e tyre skadojnë në verë, transmeton Express.

Bisedimet për rinovimin e kontratës së Ozilit u suspenduan në shkurt të vitit të kaluar për shkak të pasigurisë rreth së ardhmes të vet Arsene Wengerit. Megjithatë, kur francezi e rinovoi kontratën me skuadrën për edhe dy vite tjera në fund të muajit maj, nuk u mor asnjë vend për rinisjen e bisedimeve për treshen e lartpërmendur.

Ozil së fundmi bleu shtëpi në Londër dhe po e shijon jetën në kryeqytetin anglez, ndërkohë që Sanchez është drejt kalimit te Manchester City.

Për Ozilin, i cili i ka shënuar katër gola dhe dhuruar pesë asiste në 17 ndeshje këtë sezon në Premierligë, kanë shprehur interesim Barcelona, Paris Saint-Germain dhe Manchester Unitedi.