Fassone dhe Mirabelli, ende në pritje për fatin e tyre nga “Elliott”, kanë udhëtuar për në Londër, ku mund të godasin në merkaton e transferimeve.

Pista më interesante, sipas “La Gazzetta dello Sport”, ka të bëjë me kthimin në Itali të Alvaro Moratas, transmeton ksp. Sulmuesi spanjoll tashmë është “trajtuar” nga kuqezinjtë verën e kaluar dhe nuk mund të presë që të kthehet në Seria A.

Kjo për shkak se këtë herë operacioni mund të përmbushet, sidomos nëse Gonzalo Higuain vendos të ndjekë Maurizio Sarrin te Chelsea.

Megjithatë, gjithçka do të jetë më e qartë vetëm pas të shtunës së 21 korrikut, kur është caktuar zgjedhja e bordit të ri të drejtorëve kuqezinj, i cili, gjithashtu, mund të vendosë të ndryshojë menaxhmentin e Milanit.

Fassone dhe Mirabelli, megjithatë, siç u përmendën, nuk po rrinë e presin. Tregu i transferimit, nga ana tjetër, nuk pret, ndaj duhet vepruar në kohë.