Milena Ivanoviç, bashkëshortja e kreut të vrarë të SDP, Oliver Ivanoviq, tha se nuk mund të imagjinonte që hetimi i vrasjes, edhe pas gjashtë muajsh nuk do të sillte rezultate dhe gjithçka do të mbetej në nivelin e spekulimeve.

“Assesi nuk më pëlqen që ka kaluar kaq kohë, pasi që frikësohem se qëllimi është vetëm zvarritja, e cila do të margjinalizohet tërësisht dhe ky rast do të injorohet”, ka thënë Milena Ivanoviq për mediat serbe.

Ajo tha se priste që informacioni konkret do të ishte i afërt dhe se vrasësit do të zbuloheshin.

Oliver Ivanoviq (1953-2018) u vra në mëngjesin e 16 janarit përpara ambienteve të SDP, kur ai u qëllua nga një makinë në lëvizje.