Britania e Madhe po përgatit një përgjigje të rëndësishme ekonomike në rast të një Brexit-i pa marrëveshje më datë 31 tetor, deklaroi kancelari i Thesarit, Sajid Javid.

Javid u shpreh se një largim i tillë mund të ndodhë. Ai deklaroi se, së bashku me ministrat e tjerë të Partisë Konservatore të kryeministrit Boris Johnson, po e shqyrtojnë me kujdes këtë ligj.

“Por jemi shumë të qartë se politika jonë nuk ka ndryshuar. Më datë 31 tetor do të largohemi”, deklaroi Javid.

Analistët spekulojnë se qeveria mund të ulë taksat dhe të rrisë shpenzimet publike, për të forcuar ekonominë pas një Brexit-i pa marrëveshje.