Ministri i Bujqësisë së Irlandës, Dara Calleary ka dhënë dorëheqje sepse mori pjesë në një tubim publik me më shumë se 80 persona.

Ai shkeli kështu masën e parashikuar urgjente në luftën kundër përhapjes së Coronavirusit, raportojnë mediet irlandeze.

Me sa duket, Komisioneri Evropian për Tregti, Phil Hogan, ishte gjithashtu i pranishëm në atë mbledhje, shkruan irishthesun, transmeton telegrafi.

Në darkën e organizuar nga klubi i golfit të parlamentit irlandez kishte më shumë se 80 të ftuar, politikanë aktual dhe ish. Calleary më parë kishte kërkuar falje për pjesëmarrjen në tubime.

Pas publikimit të këtij informacioni dhe kërkim faljes së Daras përmes Twitterit, një numër i madh reagimesh të zemëruara nga qytetarët u shfaqën në llogarinë personale të ministrit brenda një kohe të shkurtër.

Ndryshe, Irlanda Veriore ka raportuar mbi 26 mijë persona të infektuar me COVID-19 gjersa kanë ndërruar jetë 1776 njerëz.