Miqësia me Austrinë është e rëndësisë së veçantë dhe e ndërtuar mbi vlerat e përbashkëta evropiane, tha të martën Ministrja e Punëve të Jashtme dhe Diasporës e Republikës së Kosovës, znj. Meliza Haradinaj Stublla.

Kryediplomatja e Kosovës i bëri këto komente në Ambasadën e Republikës së Kosovës në Vjenë, në takimin që zhvilloi me Kryetaren e Grupit të Miqësisë kosovaro-austriake, njëherësh dhe Deputete e Parlamentit Austriak, Carmen Jeitler-Cincelli.

“E falënderova znj.Jeitler-Cincelli për mbështetjen e Austrisë në proceset shtetndërtuese të Kosovës, dhe për përkrahjen e parezervë ndaj komunitetin tonë këtu”, tha Ministrja Haradinaj Stublla, duke shtuar se ky bashëkpunim do të vazhdojë të thellohet edhe me tutje, duke avancuar kështu interesat e përbashkëta të të dyja vendeve, si pjesë e familjes së madhe evropiane.