Qeveria e Kosovës ka aprovuar vendimin për shpronësimin e pronave të paluajtshme që preken nga realizimi për ndërtimin e linjave ajrore e kabllore.

Gjithashtu, me vendimin e sotëm parashihet edhe kyçja e nënstacioneve në Rahovec, Prishtinë, Suharekë, Mitrovicë, Fushë- Kosovë dhe Drenas.

Ministrja e Ambientit,  Albena Reshitaj, ka thënë se vendimi preliminar është miratuar dhe me nuk ka ndonjë ankesë ka kërkuar që ky vendim të miratohet.

“Vendimi preliminar ka hyrë në fuqi, meqë s’kemi marrë ndonjë informatë se në një gjykatë nuk është bërë ndonjë ankesë, ftoj Qeverinë që të aprovojë këtë vendim”, ka thënë Reshitaj, raporton Ekonomia Online.