Vera tashmë duket se ka nisur për një pjesë të madhe të estradës shqiptare.

Kështu të paktën bëjnë të ditur përmes postimeve që herë pas here ndajnë me ndjekësit në rrjetet sociale.

Në mesin e artisteve që kanë filluar pushimet e para të verës është edhe modelja dhe këngëtarja nga Peja, Morena Taraku.

Kjo e fundit po vazhdon të jetë në qendër të vëmendjes edhe për një tjetër pozë që ka publikuar në bikini.

Në imazhin që ka ndarë, artistja e njohur vë në pah linjat e bujshme trupore për të cilat edhe komentohet gjatë tërë kohës.

“Duke u ndjerë mirë”, është përshkrimi që këngëtarja ia ka vënë fotos.

Fotografia e 26-vjeçares u komplimentua në masë të madhe edhe nga ndjekësit e saj që tashmë numëron në rrjetin e popullarizuar, Instagram.

Morena përndryshe ditë më parë bëri të ditur se është në përgatitje të albumit të ri, i cili pritet të lansohet së shpejti.