Qeveria e Kosovës ka miratuar kërkesën e Ministrisë së Shëndetësisë për bartjen e mjeteve nga kategoria “mallra shpenzime” në kategorinë “shpenzime kapitale”, raporton Ekonomia Online.

Zëvendësministri i Financave, Agim Krasniqi ka thënë se kjo kërkesë ka të bëjë me mjetet që janë nga huamarrja dhe do të përdoren për blerjen e pajisjeve speciale mjekësore.

“Kjo kërkesë ka të bëjë me mjetet që janë nga huamarrje dhe kërkesa ka të bëjë me transfere të mjeteve që këto të barten nga administrata qendrore dhe këtij projekti i shtohen burimet e financimit, për furnizimi me pajisje speciale mjekësore”.