Ish-deputeti i Partisë Demokratike të Kosovës, Rrustem Mustafa, ka thënë se procesi i vendosjes së rendit dhe ligjit në vendin tonë, gradualisht, por sigurt, duhet të shndërrohet në prioritetin numër një të shoqërisë, shtetit dhe institucioneve.

Ai në Facebook ka shkruar se në vendin tonë secila pasuri duhet të dihet kujt i përket dhe si është fituar.

“E gjithë masa pasurore apo asetet e përvetësuara/uzurpuara në rrugë jolegale duhet t’i kthehen shtetit. Procesi i vendosjes së rendit dhe ligjit në vendin tonë, gradualisht, por sigurt, duhet të shndërrohet në prioritetin numër një të shoqërisë, shtetit dhe institucioneve”, ka shkruar ai.

Sipas Mustafës, duhet dhe mundemi të bëjmë një angazhim të suksesshëm të luftës kundër krimit të organizuar dhe korrupsionit si hapi i parë, vendimtar, për zhvillim të qëndrueshëm ekonomik në vendin tonë.