Të paktën 400 palestinezë janë vrarë nga sulmet ajrore izraelite në Rripin e Gazës në 24 orët e fundit, thanë zyrtarët palestinezë të shëndetësisë, me gazetarët në terren që e përshkruan bombardimin e fundit të Izraelit si “natën më vdekjeprurëse” deri më tani.

Ndërsa sulmet izraelite në Rripin e Gazës hynë në javën e tretë, Izraeli filloi dhjetëra sulme ajrore në të gjithë qytetin e rrethuar në orët e para të së hënës, sipas Al Arabiya, përcjell Telegrafi.

Izraeli bombardoi zonat e banuara në Gaza, duke përfshirë kampin e dendur të refugjatëve Jabalia dhe Beit Lahia në veri, lagjen al-Rimal, kampin Al Shati në perëndim, si dhe Khan Yunis dhe Rafah në jug, ka raportuar Agjencia Palestineze e Lajmeve (WAFA).

Spitalet përballen me një mungesë të madhe ilaçesh, karburanti dhe uji jo vetëm për mijëra të plagosur në më shumë se dy javë të luftës, por edhe për pacientët e tjerë.

It is just getting worse in Gaza. pic.twitter.com/3tZmGzFBNq

— Muhammad Smiry 🇵🇸 (@MuhammadSmiry) October 23, 2023