Drejtori i shërbimeve publike, mbrojtje dhe shërbim, Gent Begolli, ka njoftuar për punën që po kryen Drejtoria e shërbimeve Publike.

Begolli ka shpërndarë disa fotografi të bëra në lagjen “Ulpiana” në Prishtinë.

Në fotografi mund të shihet sa ka ndryshuar lagjja pasi është furnizuar me shtylla elektrike, pasi kjo pjesë kryesisht ka qenë e errët.

“Vazhdon ndriçimi i lagjeve të kryeqytetit nga Drejtoria e Shërbimeve Publike pranë Komunës së Prishtinës”, ka shkruar Begolli.