Memoriali i Skënderbeut në Lezhë, tashmë me pamje të re, përfaqëson një prej monumenteve më të rëndësishëm në historinë e Shqipërisë.

Kryeministri Edi Rama e ka përcjellë këtë të diel urimin për një ditë të mbarë me pamje të memorialit të restauruar.

“Si nata me ditën”, thotë Rama duke sjellë në vëmendje pamje të vendvarrimit të Skënderbeut.

“MIRËMËNGJES dhe me këto pamje nga Memoriali i Skënderbeut, ku pas përfundimit të restaurimit tërësor mbi rrënojat e Kishës së Shën Nikollit, shijohet një ndryshim si nata me ditën, ju uroj një të diel të qetë”, thotë kryeministri Rama.

Përveç mureve të kishës, në këtë objekt gjendet edhe absida, ku ndodhet i vendosur busti i Skënderbeut, afresku i Shën Nikollit, dritaret dhe tri harqet mbi derën e kishës.

Në mure janë të varura 25 mburoja prej bronzi, të cilat tregojnë 25 betejat kryesore të Skënderbeut. Mbi pllakën e mermerit janë vendosur kopje të shpatës dhe përkrenares prej bronzi të Skënderbeut. /j.p/ ATSH

https://www.facebook.com/edirama.al/videos/1520474418096800/