Në mbështetje të studentëve, pedagogët nisin tubimin paqësor

Ka nisur mëngjesin e sotëm marshimi paqësor i pedagogëve në mbështetje të studentëve, të cilët po protestojnë prej 8 ditësh në Tiranë.

Pedagogët janë mbledhur në Universitetin Politeknik. Protesta ka hyrë në ditën e saj të tetë. Prej një jave ka patur përplasje të forta mes protestuesve dhe efektivëve të policisë, raporton Top Channel.

Gjatë këtyre ditëve ka pasur të lënduar si nga ana e protestuesve ashtu dhe nga ana e policisë. Jo vetëm kaq, pasi të lënduar kanë mbetur edhe të mitur, gazetarë dhe kalimtarë.