Femrat që bëhen me fëmijë, nuk janë as të hutuara as dembele. Këtë e thotë një studim i fundit , duke treguar se si nënat që punojnë janë më produktive se sa koleget e tyre pa fëmijë.

Sipas këtij studimi, nënat me një fëmijë, duhet ta mbajnë në konsideratë për të sjellë në jetë edhe një fëmijë tjetër për t’u bërë “hiper- produktive”. Studimi amerikan zbuloi se produktiviteti i femrës rritet nga 15- 17% kur bëhet me fëmijë dhe kjo shifër vjen në rritje, sa më shumë fëmijë të ketë.

Siç raporton noa.al, studimi i zhvilluar nga Federal Reserve Bank në St Louis, të Shteteve të Bashkuara të Amerikës, mbajti nën vëzhgim 10 mijë ekonomistë në të gjithë botën dhe mati nivelin e produktivitetin e tyre në punë.

Dokumenti me titull “Prindër-imi dhe produktiviteti i punonjësve të profilit të lartë”, sugjeron një angazhim më të madh dhe produktivitet më të madh të punonjësve që janë me fëmijë, e veçanërisht të femrave me fëmijë.

Studimi thotë se femrat mund të kenë më pak kohë kur zgjerojnë familjen, por shtojnë se ato dinë ta përdorin më mirë kohën që kanë.