Ish-kapiteni i Manchester Unitedit, Gary Neville nuk e vlerëson Manchester Cityn si pretendentë për titull, ndërsa e ka akuzuar trajnerin Pep Guardiola për lojë mbrojtëse.

Neville po fliste për derbin e ‘tmerrshëm’ lokal që përfundoi 0-0 me vetëm katër goditje në portë të regjistruara në Old Trafford, duke mos hezituar të kritikojë trajnerët e të dyja skuadrave, e në veçanti Guardiolan.

“Nuk kishte asnjë qëllim nga të dy skuadrat dhe as nga menaxherët. Nëse do të kishte qenë Jose Mourinho, do ta quanim parkim i autobusit dhe të tmerrshëm. Ky është realiteti dhe nuk duhet ta presim atë nga këta të dy”, ka thënë fillimisht Neville për Sky Sports.

“Të dy skuadrat luajtën në mes të javës, por ne vëmë shumë theks rrezikun në Ligën Premier për të fituar një lojë dhe nuk mund të thuash asgjë prej kësaj sot (e shtunë)”.

“Unë jam i befasuar me Cityn. Dukej si një ekip që është mërzitur”.

“Ata duhet të shkojnë dhe të fitojnë kampionatin. City nuk ka mundësi tjetër përveçse të fitojë kampionatin. Në fund ajo mund të ndërtojë besim dhe ata të shkojnë në një arrati, por kjo nuk është ajo që City ose Pep duhet të duan”.

“Ata janë një hije e ekipit që fitoi kampionatin dy vjet më parë. Nuk janë askund afër. Ne tashmë po shohim prapa dhe i referohemi ekipit që ishte disa vjet më parë dhe sa i mirë ishte krahasuar me tani”.

“City mund të na befasojë dhe të fitojë kampionatin, por ata duken sikur i gjithë lëngu është shtrydhur nga portokalli. De Bruyne duket sikur po shikon përreth dhe po mendon: Unë kisha shokë më të mirë skuadre më parë”, përfundoi anglezi.