Një autobus që po transportonte studentë është aksidentuar sot pak pas mesditës në një kanal rrugor në Sisçan, një vendbanim jo shumë larg Çazmës, në Kroaci.

Sipas një fotoje të publikuar në një faqe në Facebook, siç raportin mediumi kroat “Mojportal.hr”, autobusi është “mbështetur” në një shtyllë.

Thuhet se studentët kanë zbritur menjëherë nga autobusi dhe përveçse në gjendje shoku, askush nuk është lënduar rëndë.
Në terren përveç policisë ka dalë edhe një autoambulancë.

Drejtori i kompanisë së autobusit ka bërë të ditur se ai ka tentuar t’i ikë një veture i cili i kishte prerë kthesën atij dhe si rezultat autobusi kishte rrëshqitur.