Sa herë ju ka ndodhur të njollosni me grim bluzat e këmishët tuaja të preferuara? E dimë, shumë herë!

Njollat janë më të vështirat për t’u hequr dhe jo rrallëherë na i kanë nxjerrë jashtë përdorimit veshjet e preferuara.

Megjithatë ekzistojnë mënyra për t’i hequr qafe njollat e vështira të makijazhit nga veshjet e bardha.

Gjithçka që ju duhet është ujë i oksigjenuar, ujë i gazuar dhe durim!

E mira është që të veproni sapo veshja të njolloset, në të kundërt njolla bëhet më e vështirë ose e pamundur për t’u hequr. Këshillohet të përdorni një produkt zbardhues, uji i oksigjenuar do të ishte perfekt.

Kujdes me mënyrën si e aplikoni, pasi mund të rrezikoni të përhapni njollën.

Njomni një pambuk me ujë të oksigjenuar dhe aplikojeni me kujdes, jo duke e fshirë. Lëreni ujin të veprojë për gjysmë ore dhe më pas zhyteni pjesën e njollosur në ujë të gazuar.

Pas kësaj lajeni në rrobalarëse si zakonisht. /Telegrafi/