Një grup nxënësish nga shkolla profesionale “Bahri Haxha” ka marrë iniciativën tashmë në duar dhe po ideon projektin për një koncert të madh me karakter humanitar në Vushtrri. Motoja kryesore e tyre është: “STOP diskriminimit ndaj fëmijëve me nevoja të veçanta, jetimëve dhe fëmijëve të dëshmorëve”.

Koncerti do të mbahet të premten, më 20 tetor 2017, nga ora 11:30, në sheshin “Adem Jashari” në Vushtrri. Në koncert pritet të marrë pjesë një numër i konsiderueshëm i këngëtarëve të estradës sonë.

Nismën e mbarë të nxënësve e ka përkrahur DKA-ja e Vushtrrisë, Bashkim Kovaçi (drejtor në SHMLP “Bahri Haxha”), mësimdhënësit e shkollës në fjalë, vetë nxënësit dhe shumë drejtorë shkollash.

Nxënësit po punojnë shumë që fëmijët të mos ndihen të diskriminuar dhe t’i mbushin ata me plot shpresë.