Komisioneri i lartë i Organizatës të Kombeve të Bashkuara për Refugjatët, Filippo Grandi, u ka bërë thirrje vendeve perëndimore që të ndalojnë deportimet e qytetarëve afganë pas marrjes së kontrollit nga talibanët.

Disa vende evropiane, përfshirë Gjermaninë dhe Holandën, kishin njoftuar javën e kaluar se i kishin pezulluar dëbimet pasi talibanët morën nën menaxhim zona të mëdha të vendit. Por një numër vendesh të tjera të BE-së ishin zotuar të vazhdonin me dëbimet.

Grandi tha se ishte gjithashtu e rëndësishme që fqinjët e Afganistanit, veçanërisht Irani dhe Pakistani, të mbajnë kufijtë e tyre të hapur për t’iu dhënë ndihmë afganëve për sigurinë e tyre.

Ai më tej deklaroi se një program i madh i evakuimit mund të jetë i nevojshëm në një plan afatgjatë, shkruan BBC.