Java e 26-të në elitën e futbollit kosovar do të fillojë me ndeshjen mes Vllaznisë së Pozhoranit dhe Lirisë.

Tanimë Federata e Futbollit të Kosovës ka publikuar edhe orarin e kësaj xhiroje dhe gjyqtarët.

Njëri nga gjyqtarët më perspektiv në vend, Leutrim Mustafa do ta drejtojë këtë takim me ndihmësit Meriton Berisha dhe Arton Latifi.

Ditën e shtunë do të zhvillohen dy ndeshje të tjera, ndërsa vëmendja është në Drenas në takimin mes Feronikelit dhe Trepçës ’89.

Tefik Maloku do ta drejtojë këtë sfidë me ndihmësit Edmond Zeqiri dhe Fatmir Sekiraqa.

Lideri aktual i Superligës, Drita do të luaj ditën e shtunë në udhëtim te Besa e Pejës.

Ndërkohë të dielën janë në program tri ndeshje të tjera.

Vëllaznimi do të përballet me Drenicën në Gjakovë në një ndeshje direkte për t’i ikur barazhit, ndërsa Llapi pret Gjilanin.

Në kryeqytet do të jetë derbi lokal mes Flamurtarit dhe Prishtinës ku ky takim do të drejtohet nga Mervan Bejtullahu.