Një bombë dore ka shpërthyer në lokalin “Corner” në Fushë Kosovë. Policia ka deklaruar se nuk raportohet për të lënduar.

Si pasojë e shpërthimit janë dëmtuar veturat që kanë qenë të parkuara në afërsi të lokalit.

Policia ka bllokuar rrugën ku ka ndodhur shpërthimi.

Lajmin për shpërthimin e ka konfirmuar  zyra për informim e policisë për rajonin e Prishtinës.

“Sot rreth orës 06:00 kemi pranuar informatën për një shpërthim në rrugën “Shefki Kuleta”në Fushë Kosovë”. Menjëherë në vendin e ngjarjes kanë dalë njësitet e nevojshme policore të cilat po merren me rastin”, thuhet në përgjigjen e policisë.

Tutje policia ka bërë të ditur se nuk raportohet për persona të lënduar.

“Bazuar në të dhënat fillestare nuk raportohet për persona të lënduar, janë shkaktuar vetëm dëme materiale. Rasti është cilësuar si shkaktim i rrezikut të përgjithshëm, dhe po trajtohet nga njësitet përkatëse”, kanë deklaruar nga policia.