Grupi i teknologjisë amerikane ka reduktuar urdhrat e prodhimit që nga shtatori, njoftoi Wall Street Journal të hënën, duke cituar burime të brendshme nga Apple.

Në Apple, askush fillimisht nuk ishte në dispozicion për komente, transmeton lajmi.net.

Më parë këtë muaj, njoftoi gazeta japoneze e biznesit “Nikkei”, Apple kishte planifikuar linja shtesë për prodhimin e iPhoneve të rinj.

Apple gjithashtu kishte pranuar kohët e fundit probleme teknike në disa iPhone dhe kompjutera. Të prekur janë pajisjet nga modeli premium i iPhone X nga një vit më parë dhe disa modele të MacBook Pro me ekran 13 inç.

Në fillim të nëntorit, Apple kishte tronditur tashmë tregun duke njoftuar se shitjet në tremujorin e rëndësishëm të Krishtlindjeve ndoshta do të ishin më të ulëta se sa pritej në Wall Street.