Të gjithë e dimë se patatet janë të mbushura me vlera të ndryshme ushqyese, si me vitaminë B dhe C, e këto ndikojnë në parandalimin e rrudhave dhe në mënyrë të drejtpërdrejt e zbardhin tonin e lëkurës.

Por a e dini se edhe lëvoret e patateve sjellin përfitime të ndryshme? – transmeton Telegrafi.

Lëvorja e patates për trajtim të flokëve

Lëvoret e patateve mund të ndihmojnë në shndritjen e flokëve dhe në rritjen më të shpejtë të tyre.

Direktivat: Përzieni në blender lëvoret e patateve dhe lëngun e fituar aplikojeni në skalp. Bëni masazh flokëve për pesë minuta dhe lëreni ashtu për 15 minuta tjerë. Pastroni flokët me ujë të nxehtë.

Lëvorja e patates për zbardhje të lëkurës.

Nëse nuk e kuptuat deri tani, është mirë të mos i hidhni lëvoret e patateve por t’i përdorni për qëllime bukurie. Në fakt, lëvoret e patateve mund t’i përdorni edhe për zbardhjen e lëkurës.

Direktivat: Pjesën e brendshme të lëvoreve fërkojeni në lëkurë. Për ta shpejtuar procesin, mund t’ia shtoni lëvores pak lëng limoni dhe lëreni lëngun të qëndrojë në fytyrë deri sa të thahet. Pastrojeni fytyrën me ujë të ngrohët. /Telegrafi/