Shoqata e Bankave të Kosovës (SHBK) në bashkëpunim me House of Training nga Luksemburgu dhe përkrahur nga Qeveria e Luksemburgut, ka organizuar trajnimin tre ditor me temën “Shitja e shërbimeve financiare dhe menaxhimi i marrëdhënieve me klientë”, i cili është ligjëruar nga eksperti me përvojë ndërkombëtare Alex Kloos.

Përveç pjesës teorike, gjatë tre ditëve të këtij trajnimi janë zhvilluar edhe shumë studime rasti, duke marrë për bazë nga përvoja dhe praktikat që kanë ndodhur në Kosovë.

Pjesëmarrës në trajnim kanë qenë zyrtarë nga pothuajse të gjitha bankat në Kosovë, anëtare të SHBK-së, si dhe zyrtarë nga institucionet mikrofinanciare.